ఇటీవల వరుసగా పాన్-ఇండియా ప్రయత్నాలతో, తెలుగు – హిందీ సినిమాలపై దృష్టి పెట్టిన ధనుష్ , ఇప్పుడు మళ్లీ తమిళ పరిశ్రమ వైపు మొగ్గు చూపిస్తున్నాడు. ఎందుకంటే తన సొంత ప్రాంతం తమిళనాడులో అతని బలం కాస్త బలహీనమవుతోందన్న సందేహం మొదలైంది.
“కుబేరా” సక్సెస్… కానీ ఎక్కడ?
తెలుగులో ధనుష్ నటించిన “కుబేరా” మంచి హిట్‌ టాక్ తెచ్చుకుంది. కానీ అదే సినిమా తమిళనాడులో మాత్రం ఆడలేదు. ఆడియన్స్ రెస్పాన్స్, కలెక్షన్ల పరంగా తన హవా తగ్గుతోందన్న సంకేతాలు కనిపించాయి. అందుకే ధనుష్ ఇప్పుడు తమిళ మార్కెట్ పునఃస్థాపన కోసం సీరియస్‌గా ఆలోచిస్తున్నాడు.
మళ్లీ తన “తమిళ ఆడియన్స్” హృదయం గెలవాలనే లక్ష్యం
ధనుష్ ప్రస్తుతం తన తదుపరి తమిళ సినిమా ప్రీ ప్రొడక్షన్ పనుల్లో ఉన్నాడని టాక్. ప్రేక్షకులకు క్లోజ్ అయ్యేలా, మాస్‌ ఎమోషనల్ కానెక్ట్ ఉన్న సబ్జెక్ట్ కోసం ఆయన టీమ్ వర్క్ చేస్తోందట. ఇకపై ధనుష్ ఎంచుకునే కథలు, హీరోయిన్ పాత్రలు – అన్నీ తమిళ ఆడియెన్స్‌కు దగ్గరగా ఉండేలా ఉంటాయన్న సంకేతాలు స్పష్టంగా కనిపిస్తున్నాయి.
ఫైనల్‌గా…
వివిధ భాషల్లో ప్రయోగాలు చేసినా… ఒక నటుడి అసలైన బలం తన బేస్ లోనే ఉంటుంది. అది ఇప్పుడు ధనుష్‌కు స్పష్టంగా అర్థమైందనిపిస్తోంది. అందుకే మళ్లీ తమిళ తెరపై తన హవా రీబిల్డ్ చేసేందుకు పూర్తిగా గేర్‌అప్‌ అవుతున్నాడు.
ఇప్పుడు ధనుష్ ప్లాన్ క్లియర్ – “తన బేస్ బలపడితేనే పాన్-ఇండియా స్టెప్ స్టేబుల్!”
